كيفية الحصول علي حساب مجاني في أدوات تحليل المواقع؟ - نصائح سيو

كيف ينخدع العملاء في السلع والخدمات بسبب التسويق؟

كيف ينخدع العملاء في السلع والخدمات بسبب التسويق؟

يتم "التسويق المخادع" عن طريق أستخدام ميزات وهمية ليس لها أساس من الواقع ويطلق عليها الـ Feature Baiting، وبالتالي كثير من الشركات بتلجأ لـ أساليب تسويقية بتضخم فيها مميزات في منتجاتها، لكي تظهر إنها مهمة جدًا لكنها في الحقيقة مش بتقدم قيمة حقيقية.

الأسلوب ده اسمه "مميزات الإغراء" للعميل ويعني التركيز على عناصر جانبية ليس تأثير كبير لإقناع العميل إنها شئ مهم، مثلاً فيه عربيات بتتسوق على أساس إنها بمحور دوران العجلات الخلفية عشان يخلوا العميل يحس إنها حاجة فخمة ومميزة في القيادة.

مع إن الميزة دي بتفرق بس مع الناس اللي بتسوق في ظروف معينة زي السباقات أو الطرق الوعرة، لكن بالنسبة للسواقة العادية في المدينة أو السفر الطويل، هذا العنصر ليس له أى تأثير كبير لكي يكون بأموال إضافية.

كمان بنشوف شركات الموبايلات بتعلن عن شاشات 4K وكأنها حاجة ثورية، مع إن حجم الشاشة صغير والعين البشرية مش هتحس بفرق كبير في الشاشات الصغيرة بين 4K و 1080p في الاستخدام اليومي، وبالتالي هذه الميزة بتكون أكتر شكل من إنها حاجة ليها تأثير حقيقي على تجربة المستخدم.

نفس القصة مع المنتجات المكتوب عليها "خال من الجلوتين" زي بعض أنواع الشيبسي أو المياه المعدنية، وهنا الشركات بتروج ليها على إنها صحية أكتر، مع إن الجلوتين أصلاً مش موجود في المنتجات دي بشكل طبيعي ولكن هذا يعطي انطباع إنها مفيدة أكتر وهي في الواقع زي أي منتج تاني.

بالنسبة للمياه المعدنية، بتشوف شركات كتير بتعلن عن المياه بتاعتها بإنها "غنية بالمعادن" وكأنها مصدر صحي فوق العادي، مع إن المعادن دي موجودة أصلًا في مياه الحنفية، وممكن الحصول عليها من الأغذية اليومية، والفكرة إن هذا ليس له تأثير قوي في الصحة اليومية، بس بيدّوا انطباع إنها أفضل عشان يرفعوا السعر.

ومن ثم نجد أن الشركات بتستغل هذه الميزات لكي ترفع سعر المنتج حتي يتوقع العميل إنه بيشتري شئ مميز للغاية، مع إن الفائدة الحقيقية للمستهلك بتكون قليلة جدًا.